الشاعر عبدالوهاب الحمداني
منين اجيب ابليس يغويك وتجيني
------------------------------------
يلي بعيونك سوالف شهرزاد والف ليله وليله
وبيهن العفه لجام وشوكك اليصهل عناد كحيله
ومستحاك بين كل ذني كمر والدنيا ليل
كافي ما ملت شفافك من طواري المستحيل
ياحلم يكطع سمه الكون ويجيني
يطيح بعيوني ملامه ..
وانا من دون الخلك
دهري ابتلاني وصرت للوادم علامه ..
وروحي كل ما تهتدي وتركب رشدهه
يغير بيهه الشوك تكطع كل رسن عدهه وتجيك
وهيه متروسه يقين تلاكي كل المالكتهن كبل بيك
وتعتنيك ..
وتعتنيك الوين ما عند الله كاع وعدهه حيل
وهيه تدري بجذبة فراكك رمل والشوك سيل
ياحسرتي التبتدي من اخر نده بوجه النهار
تبلل عيوني بنداوة ليلك الينزف دمع
via منتديات اميرات العراق :: PRINCESSESIRAQFORUM :: http://www.lluull.net/vb/showthread.php?t=88221&goto=newpost